Фота: www.minsknews.by

Ізраіль падарыў Нацыянальнаму гістарычнаму музею Беларусі адноўленыя фотаработы Льва Дашкевіча. Творчая спадчына вядомага беларуса ўражвае глыбінёй і значнасцю, адзначылі ў музеі. Яго даследчая і асветніцкая дзейнасць ахоплівае многія сферы культуры і навукі. У галіне фатаграфіі Леў Дашкевіч праявіў сябе як своеасаблівы майстар, тонкі мастак, яго тэхнічны ўзровень прымушае ўспомніць геніяў Адраджэння, якія апярэджвалі свой час. У будучыні экспазіцыя будзе выстаўляцца ў розных краінах, ужо восенню плануецца прадставіць яе ў Казахстане.