Нацыянальны банк Беларусі

         Нацыянальны банк Беларусі мае намер пашыраць супрацоўніцтва з Міжнародным валютным фондам і Сусветным банкам. Пра гэта па выніках справаздачы Прэзідэнту паведаміў старшыня праўлення Нацбанка Павел Калаур. Цяпер у Беларусі працуе місія гэтых структур па ацэнцы фінансавага сектара. Паводле кіраўніка Нацбанка, Беларусь мае намер пашырыць супрацоўніцтва з гэтымі міжнароднымі арганізацыямі і разлічвае, што пэўныя крокі будуць падтрымлівацца рэсурсамі. У прыватнасці, Сусветны банк выдзяляе рэсурсы на энергаэфектыўныя праекты і будаўніцтва дарог. Еўрапейскі банк рэканструкцыі і развіцця - на падтрымку малога і сярэдняга прадпрымальніцтва.