Белавежская пушча пашырае межы. Указ аб пераўтварэнні Нацыянальнага парка падпісаў Прэзідэнт. Граніца запаведнай зоны пашырылася на 1200 гектараў. Да яе далучылі лесабалотны комплекс «Дзікае», дзе растуць двухсотгадовыя дрэвы. Акрамя таго, эколагі атрымалі магчымасць аднавіць самабытнасць пушчы. Указ дазваляе высечку так званых чужародных дрэў. У прыватнасці, чырвонага дуба. Ён быў завезены з Амерыкі ў 30-х гадах мінулага стагоддзя і сёння сур’ёзна пагражае мясцовай флоры.