Плошча запаведнай зоны Белавежскай пушчы павялічана да 58 тыс. га, у тым ліку за кошт уключэння участкаў  лесабалотнага комплексу "Дзікае". Адпаведны дакумент падпісаў Прэзідэнт. Вырасла колькасць раёнаў з дадатковымі абмежаваннямі на гаспадарчую дзейнасць. Указам дазволена праводзіць на тэрыторыі запаведнай зоны мерапрыемствы, накіраваныя на барацьбу з чужароднымі відамі раслін і жывёл, а таксама на аднаўленне парушанага гідралагічнага рэжыму.