Беларусь упершыню прымае ўдзел у міжнароднай выставе прадуктаў харчавання і напояў «Фудэкс Джапан», якая праходзіць у Токіо. А гэта 3 тысячы экспанентаў і 75 тысяч наведвальнікаў, у тым ліку патэнцыяльных кліентаў. Беларусь дэманструе мяса-малочную прадукцыю, бульбу, папулярныя на Усходзе прадукты дыетычнага харчавання. Наша асноўная перавага - адсутнасць выкарыстання ГМА. На дыверсіфікацыю рынкаў збыту накіраваны сустрэчы з прадстаўнікамі Японскай гандлёва-прамысловай палаты, а таксама з кіраўніцтвам Карпарацыі сельскай гаспадаркі і жывёлагадоўлі.