Пра гэта БЕЛТА паведаміў начальнік Дэпартамента па грамадзянстве і міграцыі МУС Беларусі Аляксей Бягун. ЕС збіраецца разгледзець пытанне аб выдзяленні Беларусі фінансавых сродкаў на будаўніцтва рэадмісійнага цэнтра. Грошы могуць паступіць у наступным годзе, калі ўступіць у сілу ці хаця б будзе падпісана пагадненне аб рэадмісіі з Еўрасаюзам. Праект гэтага пагаднення разам з пагадненнем аб спрашчэнні візавых фармальнасцей быў гатовы яшчэ летась. Зараз МЗС Беларусі працягвае адпаведныя кансультацыі.