фото: www.mfa.gov.by

 
       Беларусь і Судан намячаюць шляхі развіцця палітычнага, эканамічнага і гуманітарнага супрацоўніцтва, паведаміла прэс-служба МЗС па выніках рабочай паездкі Пасла Беларусі ў Судане па сумяшчальніцтве Сяргея Рачкова. Беларускі дыпламат правёў шэраг сустрэч. У тым ліку з міністрам замежных спраў Ібрагімам Гандурам, з якім абмеркаваў перспектывы актывізацыі беларуска-суданскага палітычнага дыялогу і ўдасканалення дагаворна-прававой базы двухбаковага супрацоўніцтва, пашырэння ўзаемадзеяння Беларусі і Судана ў міжнародных арганізацыях. Акрамя таго, у час рабочай паездкі пасол Беларусі абмеркаваў перспектывы беларуска-суданскага супрацоўніцтва ў галіне сельскай гаспадаркі і сельскагаспадарчага машынабудавання.