Пра гэта заявіў часовы павераны ў справах ЗША ў Беларусі Скот Роланд на канферэнцыі “Эканоміка Беларусі: зноў перад выбарам”. Ён адзначыў, што ў нашай краіне моладзь актыўна спрабуе сябе, ствараючы розныя стартапы і з першага дня становіцца ўдзельнікам глабальнага рынку тэхналогій. Дыпламат выказаў упэўненасць, што прадпрымальнікі і іх ідэі стануць асновай для эканамічнага прарыву Беларусі. Гэтаму спрыяе і рэпутацыя Беларусі на глабальным рынку IT, якая дапамагае прыцягваць міжнародныя кампаніі і інвестараў.