На працягу тыдня больш як 150 супрацоўнікаў ААН, прадстаўнікоў урада Беларусі, грамадзянскай супольнасці, прыватнага сектара, рэлігійных абшчын, дыпламатычнага корпуса, звычайныя грамадзяне не толькі наведалі абласныя цэнтры, але і паўдзельнічалі ў сотнях мерапрыемстваў. Кожны горад акрэсліў пэўныя Мэты ўстойлівага развіцця. Паколькі мэт 17, а гарадоў шэсць, іх аб'ядналі, каб расказаць аб інклюзіўным развіцці, пагаварыць аб здаровым ладзе жыцця, прадэманстраваць энергаэфектыўныя тэхналогіі, паказаць, як будуецца зялёная эканоміка ў Беларусі.