Пагадненне аб гэтым падпісана ў Маскве. Карыстацца літаратурай і працаваць з першакрыніцамі нашы суайчыннікі цяпер змогуць у зале беларускай дыяспары - ён адкрыўся ў Дзелавым і культурным цэнтры пасольства. Цэнтр прававой інфармацыі і Нацыянальная бібліятэка прадаставілі кругласутачны доступ да сваіх электронных фондаў. Акрамя таго, дыяспара, а яна налічвае больш за паўмільёна чалавек, атрымала падборку лепшых беларускіх кніг: ад перавыданых рэдкіх помнікаў літаратуры да энцыклапедый і даведнікаў. Ужо ў бліжэйшы час на пляцоўцы залы беларускай дыяспары ў Маскве адкрыюцца курсы па вывучэнні беларускай мовы.