У Цэнтры імпартазамяшчэння ў Санкт-Пецярбургу плануецца выдзеліць плошчу для тавараў з Беларусі. Аб гэтым паведаміў віцэ-губернатар горада на Няве Сяргей Моўчан на восьмым пасяджэнні рабочай групы Савета дзелавога супрацоўніцтва Беларусі і Санкт-Пецярбурга.

Паводле яго слоў, адносіны з Беларуссю былі і застаюцца адным з прыярытэтаў у знешнеэканамічнай і міжнароднай дзейнасці ўрада Санкт-Пецярбурга. Беларусь стабільна займае першае месца па аб'ёмах тавараабароту сярод краін СНД, падкрэсліў віцэ-губернатар Санкт-Пецярбурга.