Белавежская Пушча адкрытая для іншаземцаў ужо без віз. Турысты з-за мяжы змогуць скарыстацца спецыяльным рэжымам толькі праз пункт пропуску "Перароў-Белавежа". Знаходзіцца на тэрыторыі Нацыянальнага парку можна будзе не больш як тры дні. Пропуск для бязвізавага наведвання будзе высылацца турысту на электронную пошту, калі ён запоўніць форму на сайце Нацпарку. Пры перасячэнні мяжы трэба будзе прад'явіць пашпарт, раздрукаваны пропуск і медстрахоўку.