Самы загадкавы будынак Мінска - Дом масонаў, у якім размяшчаецца Музей гісторыі музычнай і тэатральнай культуры, адчыніць свае дзверы і адкрые некаторыя таямніцы ў Ноч музеяў. 16 мая наведвальнікаў запросяць разам з акцёрамі, танцоўшчыкамі, опернымі спевакамі і музыкантамі адшукаць разгадку галоўнай містэрыі - цуду творчасці. У праграме сучасная інтэрпрэтацыя "Прывіду оперы" ў выкананні салістаў Вялікага тэатра оперы і балета Беларусі і іншыя яркія выступленні.