Жыхары Жодзіна склалі паэму для ветэранаў. Цэнтральная гарадская бібліятэка горада прапанавала стварыць паэму, прысвечаную ветэранам Вялікай Айчыннай вайны. Жодзінцы падтрымалі ідэю і запісалі вершаваныя радкі аб розных фактах і падзеях, звязаных з горадам падчас вайны: аб партызанах, аб вызваліцелях горада ці проста словы падзякі ўсім ветэранам. У стварэнні міні-паэмы паўдзельнічалі 28 чалавек. Дзякуючы калектыўнай працы атрымаўся твор, у якім выказваюцца самыя шчырыя пачуцці гараджан ветэранам-пераможцам.