Дні культуры Беларусі ў Азербайджане ў адказ плануецца правесці ў 2013 годзе, заявіў журналістам першы намеснік міністра культуры Беларусі Уладзімір Карачэўскі. Мінкультуры нашай краіны будзе фарміраваць праграму з улікам пажаданняў і прапаноў азербайджанскіх калег. Нагадаем,  што ў апошні раз Дні культуры Беларусі ў Азербайджане праходзілі ў 2008 годзе. Яны былі прымеркаваны да 15-годдзя ўстанаўлення дыпламатычных адносін паміж дзвюма дзяржавамі і атрымалі шырокі рэзананс у сродках масавай інфармацыі.