Бізнесмены больш як з 20 краін прымуць удзел у VII Міжнародным інвестыцыйным форуме "Магілёўская вобласць - шлях да поспеху", які пройдзе на пачатку лістапада. Мерапрыемства праводзіцца раз у два гады і збірае прадстаўнікоў вядомых сусветных банкаў, еўрапейскіх бізнес-арганізацый, гандлёва-прамысловых палат замежных дзяржаў і органаў кіравання. Галоўнай падзеяй форуму стане выстава-прэзентацыя інвестыцыйных і інавацыйных праектаў рэгіёна, на якой будуць прадстаўлены лепшыя прапановы па прыярытэтных напрамках развіцця вобласці.