Больш як 320 прадпрыемстваў і арганізацый з 15 краін будзе прадстаўлена ў гэтым годзе на міжнароднай спецыялізаванай выставе "Энергетыка. Экалогія. Энергазберажэнне. Электра" EnergyExpo. Удзел у ёй прымуць Аўстрыя, Германія, Італія, Кітай, Літва, Польшча і іншыя краіны. Можна будзе пабачыць тут і айчынную прадукцыю. Наведвальнікі змогуць азнаёміцца з сучаснымі распрацоўкамі ў сферы энергетыкі, экалогіі і энергазберажэння. Экспазіцыя EnergyExpo стане адным з мерапрыемстваў Беларускага энергетычнага і экалагічнага форуму, які пройдзе ў Мінску з 14 па 17 кастрычніка.