Прэзідэнт Беларусі Аляксандр Лукашэнка на сустрэчы з Прэзідэнтам Узбекістана Ісламам Карымавым прапанаваў вывесці двухбаковыя беларуска-узбекскія адносіны на больш высокі ўзровень. Па словах кіраўніка беларускай дзяржавы, патэнцыял адносін дзвюх краін значна шырэй, чым іх цяперашні стан. У сваю чаргу Іслам Карымаў асабліва падкрэсліў запатрабаванасць цяперашняй сустрэчы, бо на працягу шэрагу гадоў, перш за ўсё ў СМІ, было шмат тлумачэнняў і разважанняў з-за нейкіх супярэчнасцей у адносінах Беларусі і Узбекістана. Прэзідэнт Узбекістана таксама адзначыў, што Беларусь становіцца ўсё больш адкрытай сусветнай супольнасці, развівае свае міжнародныя кантакты.