Прадстаўнікі дзелавых колаў Беларусі наведаюць Новую Зеландыю.Прадпрымальнікі Новай Зеландыі гатовы наладзіць сумесную работу з беларускімі партнёрамі па ўдасканаленні сельскагаспадарчага сектара Беларусі. Таксама яны гатовы закупляць сыравіну, паўфабрыкаты і гатовую прадукцыю беларускіх тэкстыльных і футравых кампаній. Акрамя таго, прадстаўнікі бізнесу Новай Зеландыі выказалі намер развіваць узаемавыгаднае супрацоўніцтва з партнёрамі з Беларусі ў банкаўскай сферы, турызме і шэрагу іншых перспектыўных напрамкаў.