Беларусь разлічвае на станоўчую дынаміку гандлёва-эканамічнага супрацоўніцтва з Рэспублікай Карэя. Прэзідэнт Беларусі ад імя беларускага народа і сябе асабіста павіншаваў Прэзідэнта Рэспублікі Карэя Пак Кын Хе з нацыянальным святам - Днём вызвалення, паведамляе БЕЛТА. Аляксандр Лукашэнка выказаў упэўненасць, што станоўчая дынаміка развіцця супрацоўніцтва Беларусі і Карэі ў гандлёва-эканамічнай, інвестыцыйнай, гуманітарнай сферах і рэалізацыя сумесных праектаў у галінах навукі, тэхналогій і інфарматызацыі будзе садзейнічаць раскрыццю патэнцыялу двухбаковага ўзаемадзеяння.