Чатырохметровую скульптуру Уладзіміра Мулявіна ўсталююць да верасня на малой радзіме артыста - у Екацярынбургу. Манумент узводзяць беларусы. Гэта падарунак ад зямлі, дзе раскрыўся мулявінскі талент. Манумент будзе ўсталяваны каля тэатральнага комплексу, дзе не раз Мулявін ужо з "Пяснярамі" збіраў аншлагі. Пасля ўсталявання помніка на гістарычнай радзіме Песняра такі ж паставяць на бульвары Мулявіна ў цэнтры беларускай сталіцы.