У Палацы нацый у Жэневе адбылася панэльная дыскусія, прысвечаная першаму Сусветнаму дню барацьбы з гандлем людзьмі. Арганізатарам мерапрыемства выступіла Беларусь у якасці каардынатара групы сяброў, якія аб'ядналіся ў барацьбе з гандлем людзьмі. Удзельнікі мерапрыемства адзначылі важнасць сумесных намаганняў у гэтай сферы, падкрэслілі вялікае значэнне Сусветнага дня барацьбы з гандлем людзьмі, перш за ўсё, для прыцягнення ўвагі да гэтай сур'ёзнай праблемы і паляпшэння каардынацыі дзеянняў дзяржаў, міжнародных структур, няўрадавых арганізацый.