У Міністэрстве замежных спраў Беларусі на мінулым тыдні прайшлі  кансультацыі экспертаў МЗС і Еўрапейскай камісіі па праекце міжнароднага пагаднення аб спрашчэнні візавых фармальнасцей з ЕС. А напярэддані ў Мінску адбылася першая сустрэча ЕС і Беларусі па пытаннях мадэрнізацыі. Задача Прамежкавай фазы – выбраць  аптымальную форму будучага  ўзаемадзеяння ЕС і ўрада Беларусі па пытаннях мадэрнізацыі, адзначыў дырэктар па рэгіёне Суседства ў Генеральным дырэктараце Еўрапейскай Камісіі па развіцці і супрацоўніцтве Міхаэль Келер.