Падчас падрыхтоўкі да свята радзімічаў ў Чавускім раёне раскапалі жыллё XVII ст. На месцы знаходкі планавалася зрабіць паўзямлянку, якая нагадвала б жыллё нашых продкаў. Падчас раскопак і выявілі старадаўнюю каменную печ. Па чарапках ад талеркі археолагі вызначылі, што жыллё адносіцца да XVII стагоддзя. Радомля - гэта ўнікальнае месца і рай для археолага Ёсць версія, што старажытнае паселішча ў Чавускім раёне было сталіцай радзімічаў. У гэтых месцах людзі жылі з 2-га стагоддзя да нашай эры. У радомльскім замку быў у пачатку XVI стагоддзя вялікі князь літоўскі Жыгімонт Стары.