Вытворчае аб'яднанне " Гомсельмаш " вывучае магчымасці паставак сельскагаспадарчай тэхнікі ў Індыю, - паведамляе БЕЛТА. Гаворка, у першую чаргу, ідзе аб зернеўборачных камбайнах малой магутнасці. Мясцовыя аграрыі маюць патрэбу ў машынах, якія можна выкарыстоўваць на невялікіх палях. Дэлегацыя вытворчага аб'яднання не так даўно пабывала ў Індыі, дзе прайшлі перамовы з патэнцыяльнымі партнёрамі. Жаданне супрацоўнічаць выказалі дзве кампаніі. Прадстаўнік адной з іх плануе наведаць Гомель у пачатку наступнага месяца.