Пра гэта паведаміў на сустрэчы беларускіх і кітайскіх экспертаў міністр эканомікі Беларусі Мікалай Снапкоў, перадае БЕЛТА. Па словах кіраўніка Мінэканомікі, развіццё Кітая з'яўляецца добрым прыкладам нестандартнага развіцця на аснове традыцый, гісторыі і ўмелага разумення сучасных тэндэнцый. Магчымасць візіту ў Беларусь групы экспертаў Кітая па эканамічных пытаннях, які праходзіць 18-24 мая, сфарміравалася на аснове міжурадавай дамоўленасці. Як лічыць Мікалай Снапкоў, такі ўзровень ўзаемадзеяння і стратэгічнага партнёрства можа дазволіць беларускаму боку глыбока пазнаёміць калег з праблематыкай сваёй краіны.