Пасяджэнне Вышэйшага Еўразійскага эканамічнага савета на ўзроўні кіраўнікоў дзяржаў пройдзе 29 красавіка ў Мінску, паведамілі ў прэс-службе кіраўніка беларускай дзяржавы. Мерапрыемства пройдзе пад старшынствам Прэзідэнта Беларусі Аляксандра Лукашэнкі. На парадку дня - разгляд работы над праектам дагавора аб Еўразійскім эканамічным саюзе, а таксама рэалізацыі плана мерапрыемстваў ("дарожнай карты ") па далучэнні Арменіі да Мытнага саюза і Адзінай эканамічнай прасторы. Таксама запланаваны двухбаковыя сустрэчы Аляксандра Лукашэнкі з Прэзідэнтам Расіі Уладзімірам Пуціным і Прэзідэнтам Казахстана Нурсултанам Назарбаевым.