Tatiana Mailiz Cuz Samusenko

Берыса, Аргенціна

(пераклад з англійскай)

Мяне завуць Таццяна, мае продкі родам з Беларусі. Беларусам быў мой прадзед па матчынай лініі - Рыгор Самусенка.

Берыса - рэгіянальная сталіца імігрантаў, таму тут жывуць не толькі беларусы, але і імігранты з іншых краін, сярод іх - іспанцы, грэкі, украінцы, балгары, італьянцы, арабы і іншыя. Гэтыя імігранты сфармавалі свае калектывы і арганізацыі, у якіх яны займаюцца танцамі, рыхтуюць традыцыйную ежу, захоўваюць мову, традыцыі, рамёствы і г. д. розных краін, да якіх яны належалі.

Мне цяпер 27 гадоў, і з 3 год я танцую ў калектыве «Чайка» Беларускага клуба «Vostok de Berisso». Мая сям'я актыўна ўдзельнічае ў дзейнасці гэтай арганізацыі, і мая маці прывяла мяне і маіх братоў, калі мы былі яшчэ дзецьмі, у гэты клуб, каб мы сталі часткай гэтай цудоўнай справы, каб мы маглі прадстаўляць карані нашых продкаў.

Разам мы займаемся разнастайнай дзейнасцю, не толькі танцамі.

Мы рыхтуем тыповыя стравы: варэнікі, капусту, галубцы ...

У 2014 годзе ў мяне была магчымасць наведаць зямлю маіх продкаў - я ўдзельнічала ў мерапрыемстве, якое сабрала беларусаў з усяго свету ў горадзе Мінску, і ў гэтым годзе я змагла вярнуцца ў Мінск на час адпачынку. Гэта было выдатна, бо я даўно марыла павандраваць па Беларусі.

З Аргенціны дасылаю прывітанне ўсім беларусам, і спадзяюся хутка да вас вярнуцца.