БМЗ сёлета нарасціць пастаўкі прадукцыі ў Расію

Беларускі металургічны завод сёлета нарасціць пастаўкі прадукцыі ў Расію. Пра гэта стала вядома па выніках круглага стала ў Маскве, на якім айчынныя металургі прэзентавалі сваю прадукцыю патэнцыяльным партнёрам.

На расійскім рынку ў БМЗ устойлівая рэпутацыя. У прыватнасці, беларускія металаканструкцыі актыўна выкарыстоўваліся падчас рэалізацыі праекта "Масква-Сіці". Урад Маскоўскай вобласці не выключае, што Беларускі металургічны завод можа стаць адным з пастаўшчыкоў пры будаўніцтве Цэнтральнай кальцавой аўтамабільнай дарогі вакол расійскай сталіцы. Расія застаецца галоўным гандлёвым партнёрам Беларускага металургічнага завода. Толькі ў 2013 годзе было накіравана тавараў на суму каля 1 мільярда долараў, а гэта прыкладна 15% валютнай выручкі краіны.