У Мінску падпісана пагадненне аб супрацоўніцтве паміж генеральнымі пракуратурамі Беларусі і Кубы

          У Мінску падпісана пагадненне аб супрацоўніцтве паміж генеральнымі пракуратурамі Беларусі і Кубы. Яно будзе садзейнічаць выхаду беларуска - кубінскіх адносін на ўзровень стратэгічнага партнёрства, паведаміў сёння журналістам генеральны пракурор Беларусі Аляксандр Канюк.
Пагадненне прадугледжвае, што бакі будуць імкнуцца да дасягнення практычных вынікаў у сферы барацьбы са злачыннасцю , абароны правоў і асноўных свабод грамадзян. Генеральныя пракуратуры абедзвюх краін будуць праводзіць кансультацыі па прававых пытаннях, абменьвацца вопытам у галіне барацьбы са злачыннасцю , у тым ліку з яе арганізаванымі формамі , тэрарызмам , карупцыяй , незаконным абаротам зброі , наркотыкаў, а таксама іншымі відамі злачынстваў.
        Генеральны пракурор Кубы Дарыё Дэльгада Кура адзначыў , што падпісанне гэтага пагаднення - гэта толькі першы крок , які выведзе беларуска - кубінскія адносіны на якасна новы ўзровень.