Беларусь і ЕС яшчэ не прайшлі "дно" ў палітычных адносінах - Еўдачэнка

Беларусь і ЕС яшчэ не прайшлі "дно" ў палітычных адносінах. Такое меркаванне выказаў журналістам пасол Беларусі ў Нідэрландах Андрэй Еўдачэнка, перадае БЕЛТА.

"Сітуацыя няпростая. Сёння ідзе вельмі складаная палітычная размова з нашымі еўрапейскімі партнёрамі, і, скажам адкрыта, не заўсёды мы знаходзім узаемаразуменне. Відавочна, "дна" мы яшчэ не прайшлі", - сказаў Андрэй Еўдачэнка.

У той жа час дыпламат канстатаваў, што гандлёва-эканамічныя адносіны Беларусі і Еўрапейскага саюза прадаўжаюць развівацца, нягледзячы на пандэмію і санкцыі. "На еўрапейскім напрамку мы прыраслі на $1,9 млрд у гэтым годзе. Мне вельмі прыемна, што доля Нідэрландаў склала амаль 40 працэнтаў", - адзначыў пасол.