Беларусь вітае ўступленне ў сілу пагаднення паміж Расіяй і ЗША аб прадаўжэнні ДСНУ

Фота: belta.by

Беларускі бок вітае ўступленне ў сілу 3 лютага пагаднення паміж Расійскай Федэрацыяй і Злучанымі Штатамі Амерыкі аб прадаўжэнні на 5 гадоў Дагавора аб мерах па далейшым скарачэнні і абмежаванні стратэгічных наступальных узбраенняў ад 8 красавіка 2010 года (ДСНУ). Аб гэтым гаворыцца ў заяве МЗС Беларусі.

"Лічым гэта важкім укладам ва ўмацаванне існуючай архітэктуры міжнароднай бяспекі і стратэгічнай стабільнасці. Прадаўжэнне ДСНУ, без усялякага сумнення, адпавядае інтарэсам усёй сусветнай супольнасці. Разлічваем, што дасягнутая дамоўленасць закладзе трывалы фундамент для далейшых канкрэтных крокаў у галіне ядзернага раззбраення і надання гэтаму працэсу неабарачальнага і шматбаковага характару", - заявілі ў МЗС.

У беларускім знешнепалітычным ведамстве таксама спадзяюцца, што рашэнне Масквы і Вашынгтона па захаванні ДСНУ, які з'яўляецца адным з краевугольных камянёў глабальнай сістэмы стратэгічнай стабільнасці, бяспекі і раззбраення, будзе садзейнічаць фарміраванню спрыяльных умоў для ўмацавання і аднаўлення жыццяздольнасці шматбаковых механізмаў у галіне кантролю над узбраеннямі на еўраатлантычнай прасторы.