Беларусь і Арменія будуць выступаць з узгодненай пазіцыяй у міжпарламенцкіх арганізацыях

Беларусь і Арменія будуць выступаць з узгодненай пазіцыяй у міжпарламенцкіх арганізацыях па асобных пытаннях, якія разглядаюцца ў рамках Міжпарламенцкай асамблеі СНД, парламенцкіх асамблей АДКБ, АБСЕ. Такая дамоўленасць дасягнута ў Мінску ў час пасяджэння міжпарламенцкай камісіі па супрацоўніцтве Нацыянальнага схода Беларусі і Нацыянальнага схода Арменіі. Бакі маюць намер таксама аказваць ўзаемную падтрымку ў атрыманні статусу наглядальніка ў міжпарламенцкіх арганізацыях. Разгледжаны пытанні актывізацыі гандлёва-эканамічных адносін Беларусі і Арменіі. Адзначалася важнасць удзелу парламентарыяў у стварэнні ўмоў для нарошчвання аб'ёмаў і дыверсіфікацыі супрацоўніцтва ў гэтай сферы, актывізацыі кантактаў дзелавых колаў дзвюх дзяржаў.