Юбілейная выстава народнага мастака Беларусі Гаўрылы Вашчанкі адкрылася ў Гомелі

Юбілейная персанальная выстава жывапісу народнага мастака Беларусі Гаўрылы Вашчанкі "Таямніца ночы" да 85-годдзя творцы адкрылася ў Гомелі. Яе наведвальнікі маюць магчымасць акунуцца ў разважанні мастака на тэму ночы. У аснове  экспазіцыі -  некалькі дзясяткаў жывапісных палотнаў майстра, створаных у перыяд з 1991 па 2011 год. У гэтых работах прысутнічаюць легенды і прытчы, што мяжуюць з фантазіямі сноў. Усё гэта цесна пераплятаецца з лірычнымі пейзажамі і персанажамі начнога жыцця беларускага Палесся.