Беларусь і Індыя будуць нарошчваць гандлёва-эканамічныя сувязі

        Прэзідэнт Беларусі Аляксандр Лукашэнка адзначае адсутнасць праблем у палітычных адносінах з Індыяй, прапаноўвае гэтай краіне нарошчваць гандлёва-эканамічныя адносіны, у першую чаргу - з дапамогай кааперацыйных сувязей і рэалізацыі сумесных праектаў.
       Сустракаючыся у Мінску са спікерам Народнай палаты парламента Індыі Мейрай Кумар  беларускі лідар звярнуў увагу на высокі ўзровень адносін паміж кіраўніцтвам краін  і адзначыў, што паўмільярдны тавараабарот - гэта зусім няшмат. Трэба ставіць больш высокія мэты.
      У сваю чаргу спікер ніжняй палаты індыйскага парламента адзначыла, што Беларусь і Індыя традыцыйна падтрымліваюць цёплыя, дружалюбныя адносіны, якія пад кіраўніцтвам Аляксандра Лукашэнкі яшчэ больш узмацніліся.