Еўразійскі банк развіцця прагназуе зніжэнне інфляцыі ў Беларусі ў 2017 годзе да 8,8%.

      Такія даныя прыводзяцца ў Ліпеньскім макрааглядзе банка.  У 2016 годзе інфляцыя прагназуецца на ўзроўні 12,6%,  што некалькі вышэй за  мэтавы арыенцір манетарных улад Беларусі. Нагадаю, згодна з беларускімі прагнозамі інфляцыя павінна скласці 12%. А вось у наступным годзе эксперты банка прагназуюць  зніжэнне да 8,8% і 7,4% --чакаецца у 2018-м, - гаворыцца ў макрааглядзе. Слабая эканамічная актыўнасць у дзяржавах - асноўных гандлёвых партнёрах Беларусі ў 2016 годзе будзе стрымліваць аднаўленне як унутранага, так і знешняга попыту ў краіне. У той жа час зніжэнне валацільнасці цэн  на энергарэсурсы на сусветных рынках ў другой палове 2016 года забяспечыць стабілізацыю расійскага рубля на міжнародным валютным рынку, што можа стаць важным фактарам для стабілізацыі беларускага рубля.