Жодзінскі БелАЗ паставіць у Расію аэрадромныя цягачы

Да канца года беларускае прадпрыемства "БелАЗ" паставіць у Расію шэсць аэрадромных цягачоў. Машыны карыстаюцца папулярнасцю ў расійскіх партнёраў. За апошнія два гады 14 аэрадромных цягачоў з завода ў Беларусі адправіліся ў РФ. Сёлета 4 такія машыны расіяне ўжо набылі, расказалі ў прэс-службе "БелАЗ". Аэрадромныя цягачы выкарыстоўваюць для транспарціроўкі самалётаў ўзлётнай масай да 260 тон. У Беларусі працуюць над стварэннем цягача, здольнага перамяшчаць самалёты ўзлётнай масай да 600 тон. Цягачы таксама набывае Нацыянальны аэрапорт Мінск.