Стасункі з міжнароднымі місіямі па назіранні за выбарамі Прэзідэнта Беларусі складваюцца аб'ектыўна.

       Пра гэта заявіла старшыня ЦВК Лідзія Ярмошына ў эфіры тэлеканала "Беларусь 1". Па словах Лідзіі Ярмошынай, адчування, што справаздачы міжнародных місій напісаны задоўга да правядзення выбараў, зараз у яе няма. Пытанні носяць непрадузяты характар, калі дзе і прасочваецца пэўны падтэкст, то ён усё роўна выказаны вельмі карэктна, - сказала Лідзія Ярмошына. Разам з тым старшыня ЦВК дадала, што не трэба забываць, што ўсё мяняецца: і светапарадак, погляды на палітыку ўнутры краіны і ва ўсім свеце. Па апошніх даных, у Беларусі акрэдытавана 195 міжнародных назіральнікаў, якія ў асноўным прадстаўляюць місію СНД, а таксама місіі АБСЕ і ПАСЕ.