Беларусь і Францыя плануюць заключыць міжурадавае пагадненне аб міжнародных аўтамабільных перавозках

Беларусь і Францыя плануюць заключыць міжурадавае пагадненне аб міжнародных аўтамабільных перавозках пасажыраў і грузаў.

Беларуская дэлегацыя на чале з першым намеснікам міністра транспарту і камунікацый Беларусі Яўгенам Рагачовым наведала Францыю. Адбыліся перагаворы з міністрам транспарту Францыі Алэнам Відалісам. Ён выказаў задавальненне развіццём беларуска-французскага супрацоўніцтва ў сферах авія- і чыгуначнага транспарту, асобна адзначыўшы ў якасці станоўчага прыкладу ўзаемадзеянне авіякампаніі "Белавія" і Air France. Акрамя таго, бакі абмеркавалі рэалізацыю ў бліжэйшы час канкрэтных праектаў паміж беларускімі і французскімі кампаніямі, якія працуюць у транспартнай сферы і займаюцца развіццём транспартнай інфраструктуры.