Вечар у Доме дружбы, прысвечаны творчасці знакамітага персідскага паэта Джалаладзіна Румі, даў старт рабоце таварыства "Беларусь-Іран". Саветнік пасольства Ірана ў Беларусі Махамад Наджафі адзначыў, што таварыства створана з мэтай развіцця беларуска-іранскіх культурных сувязей. У яго ўвайшлі прадстаўнікі розных сфер дзейнасці і большасць мерапрыемстваў работы таварыства будзе прысвечана культуры Ірана. У Тэгеране, у сваю чаргу, дзейнічае таварыства дружбы "Іран-Беларусь". У перспектыве абедзве арганізацыі плануюць узаемадзейнічаць і рэалізоўваць сумесныя культурныя праекты, у тым ліку абмен візітамі.