Беларусь і Перу маюць намер актывізаваць двухбаковае супрацоўніцтва.

       Беларусь і Перу маюць намер актывізаваць двухбаковае супрацоўніцтва. Аб гэтым ішла размова ў час візіту намесніка міністра замежных спраў Беларусі Аляксандра Гур'янава ў Перу, паведамляе БЕЛТА. На сустрэчы Аляксандра Гур'янава з намеснікам міністра замежных спраў Перу Клаўдыа дэ ла Пуэнтэ адбыўся канструктыўны абмен меркаваннямі па шырокім коле актуальных пытанняў сусветнай і рэгіянальнай палітыкі. Значная ўвага была ўдзелена пытанням паглыблення беларуска-перуанскіх адносін, у тым ліку актывізацыі гандлёва-эканамічных і навукова-тэхнічных сувязей, супрацоўніцтва ў галіне адукацыі, удасканалення двухбаковай дагаворна-прававой базы.