Прэзідэнт Беларусі Аляксандр Лукашэнка адзначае станоўчую дынаміку развіцця адносін з Кітаем

          Прэзідэнт Беларусі Аляксандр Лукашэнка адзначае станоўчую дынаміку развіцця адносін з КНР і заяўляе, што гэтыя адносіны могуць з'яўляцца прадметам гонару для беларускай дзяржавы. Аб гэтым кіраўнік дзяржавы заявіў на сустрэчы з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Гун Цзяньвэем з нагоды завяршэння яго дыпламатычнай місіі ў нашай краіне.
         Аляксандр Лукашэнка адзначыў, што пра беларуска-кітайскія адносіны ведае кожны жыхар Беларусі. У сувязі з гэтым Прэзідэнт даў высокую ацэнку рабоце кітайскага пасла. У сваю чаргу Гун Цзяньвэй выказаў падзяку за выказаную высокую ацэнку яго работы. "Гэта я прымаю не толькі на мой рахунак, а на рахунак нашага ўраду і краіны " , - сказаў дыпламат. Пры гэтым ён запэўніў, што ўсе кітайска-беларускія дамоўленасці будуць рэалізаваныя.