У Беларусі пачалі распрацоўку адзінага электроннага дакумента для знешнегандлёвых здзелак.

          Гэта дасць магчымасць у перспектыве значна палепшыць пазіцыю нашай краіны ў рэйтынгу "Вядзенне бізнесу" ў сферы міжнароднага гандлю. Рэформу станоўча ўспрынялі эксперты Сусветнага банка. Мяркуецца, што адзіны электронны дакумент знешнегандлёвых здзелак заменіць сабой значную колькасць абавязковых дакументаў, якія цяпер улічваюцца ў рэйтынгу. Таксама гэта дасць магчымасць істотна скараціць расходы суб'ектаў гаспадарання на знешнегандлёвыя аперацыі.