У Слаўгарадскім раёне пройдзе экалагічны этнафестываль "Песні пра Крыніцы".

фота: www.holiday.by

У Слаўгарадскім раёне на Блакітнай крыніцы 13 жніўня пройдзе экалагічны этнафестываль "Песні пра Крыніцы". Плануецца, што ўдзельнікамі фестывалю ў гэтым годзе будуць салісты і калектывы мастацкай самадзейнасці з усіх раёнаў Магілёўскай вобласці. Таксама запрасілі калектывы з Расійскай Федэрацыі. Свае рамесныя працы прадэманструюць не толькі майстры раёна, але і прыезджыя ўмельцы. Акрамя творчых выступленняў, для гасцей фестывалю рыхтуюць насычаную праграму. Непадалёк ад Блакітнай крыніцы разгорнецца выстава-продаж сувенірнай прадукцыі. Таксама будзе працаваць універсальны кірмаш "Мядовы спас", дзе ў шырокім асартыменце будзе прадстаўлены мёд і прадукцыя пчалярства. Акрамя гэтага, госці і ўдзельнікі змогуць набыць тут харчовыя і прамысловыя тавары.