"Мазырскія малочныя прадукты" аднавіла пастаўкі ў Кітай.

Пра гэта ішла размова ў час наведвання прадпрыемства старшынёй Гомельскага аблвыканкама Генадзем Салаўём, перадае карэспандэнт БЕЛТА.
У жніўні-верасні на прадпрыемстве адгрузілі 125 т сухога абястлушчанага малака ў Кітай. Упершыню гэты рынак быў адкрыты ў 2018 годзе, калі "Мазырскія малочныя прадукты" дыверсіфікавалі экспартныя пастаўкі ў ЕАЭС і трэція краіны - Кітай, Пакістан, Марока, Турцыю. З 2018 года прадпрыемства пацвярджае адпаведнасць цыклаў вытворчасці стэрылізаванага і сухога малака, масла і тварагу патрабаванням ісламскіх норм, стандартаў "Халяль".
Па выніках першага паўгоддзя аб'ём знешняга гандлю склаўся з тэмпам росту 73,8%. Асноўныя напрамкі экспартных паставак - Расія, Казахстан, Узбекістан, Украіна.