Галоўная сцэна "Славянскага базару" здзівіць гледачоў новым афармленнем

Галоўная сцэна XXII Міжнароднага фестывалю мастацтваў "Славянскі базар у Віцебску" здзівіць гледачоў прынцыпова новым афармленнем. Сёлета будзе вельмі магутны кантэнт камп'ютарнай графікі. Для гэтага выкарыстоўваецца шмат экранаў, якія будуць усталяваны па ўсім перыметры сцэны і на столі. Цэнтральны экран і экраны над ярусамі будуць перамяшчацца і ствараць розныя эфекты. Усё гэта дасць магчымасць пастаянна мяняць карцінку, выводзіць на экраны любыя выявы, інтэр'еры, камп'ютарную графіку. Упершыню на "Славянскім базары" на планшэце сцэны з'явіцца святлодыёдны подыум, распрацаваны па тэхналогіі LED-floor.