Амаль 100 мастацкіх галаграм з 15 краін можна ўбачыць на Міжнароднай выставе мастацкіх галаграм "Галаграфія-2013. Гомель".

          Міжнародная выстава мастацкіх галаграм "Галаграфія-2013. Гомель" працуе ў палацы Румянцавых-Паскевічаў. У экспазіцыі - амаль 100 мастацкіх галаграм з 15 краін, у тым ліку Беларусі, Вялікабрытаніі, Ізраіля, Канады, Кітая, Карэі, Літвы, Нідэрландаў, Расіі, Румыніі, ЗША і інш. Беларусь прадставяць работы галаграфічнай студыі "Магія святла" (Мінск), сярод якіх аб'ёмныя копіі праваслаўных святынь і музейных экспанатаў, а таксама канцэптуальныя арт-галаграмы. "Галаграфія-2013. Гомель" - прадаўжэнне першай Сусветнай выставы мастацкіх галаграм "Галаграфія-2011", якая з вялікім поспехам прайшла ў Мінску.