У бліжэйшы час чакаецца візіт у Беларусь парламенцкіх дэлегацый Інданезіі, В'етнама і Індыі.

           Пра гэта паведаміў старшыня Палаты прадстаўнікоў Нацыянальнага схода Беларусі Уладзімір Андрэйчанка. Ён падкрэсліў, што супрацоўніцтва з краінамі Паўднёва-Усходняй Азіі перспектыўнае і ўяўляе эканамічны інтарэс для краіны. Дзяржавы АСЕАН – гэта  велізарны хутка растучы рынак. Там жывуць больш за 600 млн. чалавек, сукупны валавы ўнутраны прадукт гэтых краін -  больш за $2трл., столькі ж прыкладна складае і знешнегандлёвы абарот. Для Беларусі важна наладзіць экспарт тавараў і паслуг у гэты рэгіён і прыцягнуць інвестыцыі ў нашу эканоміку, - адзначыў Уладзімір Андрэйчанка.