Буйныя замежныя вытворцы абсталявання прымуць удзел у міжнароднай выставе "Беллегмаш" ў Мінску.

       Буйныя замежныя вытворцы абсталявання прымуць удзел у міжнароднай выставе "Беллегмаш", якая пройдзе ў Мінску ў канцы студзеня. Гэта адзіная выстава ў Беларусі, асноўнае месца ў экспазіцыі якой займаюць машыны і абсталяванне для тэкстыльнай прамысловасці, вырабу абутку, швейнай і ткацкай вытворчасці. Штогод у форуме прымаюць удзел найбуйнейшыя фірмы-вытворцы з Германіі, Італіі, Чэхіі, Расіі, Нідэрландаў, Японіі і іншых краін. Правядзенне такой выставы дапамагае ў пераўзбраенні вытворча-тэхнічнай базы прадпрыемстваў, знаёміць спецыялістаў з навінкамі ў галіне абсталявання, прыцягвае новых інвестараў у галіну.