Пытанне адмены смяротнага пакарання ў Беларусі не можа вырашацца без уліку грамадскай думкі

   Валянцін Рыбакоў

www.belta.by

        Пытанне адмены смяротнага пакарання ў Беларусі не можа вырашацца без уліку грамадскай думкі, заявіў намеснік міністра замежных спраў Беларусі Валянцін Рыбакоў. Гэта не наш дыялог з Еўропай пра тое, што мы з пункту гледжання Еўропы павінны зрабіць. Гэта пытанне, якое будзе вырашаць беларускае грамадства, беларускі народ, сказаў ён. Таксама намеснік міністра адзначыў, што нядаўняя адмена санкцый Еўрасаюза у дачыненні да Беларусі ніяк не звязана з пытаннем адмены смяротнага пакарання. Ніхто не збіраецца гандлявацца і змяняць адны каштоўнасці на іншыя, заявіў дыпламат.